शनिबार १३ भदौ, २०७७
मोरङ । नेपाल आदिबासी जनजाती पत्रकार महासंघ (फोनिज) १ नम्बर प्रदेश समितिले समाजलाई एक आपसमा बिभाजन ल्याउने शब्द र बिषय प्रस्तुत नगर्न सन्चार माध्यमहरुलाई आग्रह गरेको छ ।
गोरु काटेको निहुँमा बुधबार झापाको झापा गाउँपालिका–३ का ३८ वर्षीय रफिकुल आलम
प्रहरीको गोलि लागि मृत्यु भएको बिषयमा विभिन्न सन्चार माध्यमहरुले साम्प्रदायिक भड्काबलाई सहयोग पुग्ने शब्द प्रयोग भएको भन्दै फोनिज १ नम्बर प्रदेश समितिले सो आग्रह गरेको हो ।
फोनिज १ नम्बर प्रदेश समितिका अध्यक्ष अर्जुन जम्नेली राईको अध्यक्षतामा सुक्रबार सचिवालयको भर्चुअल बैठकमा सो बिषय माथि छलफल गरि निर्णय भएको महासचिव बिदुर खबासले बताए ।
झापामा मुस्लिम समुदायले गोरु काटेको बिषयमा केहि रेडियो, छापा तथा अनलाइन र शोसल मिडियामा एकातर्फलाई उक्साउने ढंगले गौ हत्या गरेको, गाई नै काटेको जस्ता शब्द तथा बिषय प्रस्तुत भएको भन्दै त्यसो गर्न नहुने फोनिजले आग्रह गरेको हो ।
कुनै समुदायलाई उक्साउने, भड्काउने र होच्याउने शब्द प्रयोग गर्नु पत्रकारिताको आचार संहिता बिपरित भएकोले यस्तो बिषय नियन्त्रण गर्न सरकार लाग्नुपर्ने फोनिज आग्रह गरेका छन । यस्ता बिषयमा समयमै संयमता नअपनाइए सामाजमा द्वन्द्व बढ्ने फोनिजको ठहर छ ।
सचेत सन्चारकर्मी र मिडिया हाउसहरुले समुदायको धार्मिक, सास्कृतिक समास्याहुँदै आएको कानुन संशोधन गर्नतर्फ लाग्नुपर्ने फोनिजको धारणा रहेको छ । संघीय गणतान्त्रिक नेपाललाई संमृद्द निर्माणको लागि आम नेपाली एकले अर्कोलाई सम्मानको वातावरण बनाउनु पर्ने बिषयमा फोनिज प्रदेश १ को बैठकमा छलफलपछि निर्णय भएको उपाध्यक्ष भूमिका फ्याक लिम्बूले बताइन ।
बैठकले साउन २७ गते २१ औं स्थापना दिवसमा भएको अन्तरकृया कार्यक्रमको समीक्षा, फोनिजको १४ जिल्लालाई कोरोना भाइरस बिरुद्द राहत रकम पुर्याउने र भावी योजनाको बारे छलफल भएको बताइएको छ ।
