अर्जुन जम्नेली राई /रातोकलम
मोरङ । मोरङको पथरी शनिश्चरे नगरमा भाइरहेको खुल्ला नकआउट फुटबल प्रयियोगिताको भोलि (बिहीवार) सेमि फाइनल खेल हुदैछ ।
पथरी शनिश्चरे नगरपालिका-१ मा स्थापित पथरी बिशाल युथ क्लबको आयोजनामा भइरहेको फुटबल खेलको बिहिबार यलम्बर फुटबल क्लब र आयोजक टिम, दोस्रो खेलमा नबोदय र बुद्ध युनाइटेड फुटबल क्लबवीच
सेमि फाइनल खेल हुने शन्तोष गुरुङले बताए ।
बुधबारको क्वाटर फाइनलमा यलम्बर फुटबल क्लबले रेडबुल रैलालाई र आयोजकले एभरेष्टलाई पराजित गरेका थिए ।
मंगलबारको खेलमा नबोदयले शिवालय र त्रिवेणीलाई बुद्ध युनाइटेडले पराजित गर्दै सेमि फाइनलमा प्रबेस गरेको थियो ।
पथरी रंगशालामा भइरहेको खेलको
फाइनल शुक्रबार हुने आयोजकले जनाएको छ । खेल बिजेता र उप बिजेता टिलमालाई क्रमश ३० र १५ हजार नगद पुरस्कार प्रदान हुने आयोजकले जनाएको छ ।
कोरोना भाइरसको कारण लामो लकडाउन र समाज त्यसमा पनि युवाहरुमा निरासा पैदा हुँदै गएको कारण थोरै भएपनी मनोरन्जन होस भन्ने उदेश्यले प्रतियोगिताको आयोजना गरिएको पथरी बिशाल युथ क्लबले जनाएको छ ।
पूर्बी मोरङको बेलबारी, पथरीशनिश्चरे र उर्लाबारी नगरपालिकाको २४ वटा टिम सहभागी रहेको खेल भदौ ५ गतेबाट सुरु भएको थियो । प्रतियोगिताको दोस्रो चरणबाट ए डिभिजनमा खेल्ने राष्ट्रिय खेलाडिहरु प्रशस्त मैदानमा उत्रिएको निर्णायक (एम्पाएर) कृष्ण राईले बताए ।
कोरोणा भाइरसको प्रकोप र लकडाउनको कारण लामो समयदेखि खेल आयोजना नभएकाले पथरी रंगशालामा आयोजित खेलमा ए डिभिजनका खेलाडीहरु मैदानमा उत्रिएका हुन ।
