अर्जुन जम्नेली राई
मोरङ । मोरङको पथरीशनिश्चरेमा भइरहेको टेन्सबर्ग पथरी शनिश्चरे प्रिमियर लिग फुटबल प्रतियोगितामा सिरिजंगा फुटबल क्लब अंक तालिकाको शीर्ष स्थानमा पुगेको छ ।
आज(मंगलबार)को खेलमा शिखर एफसीलाई २-१ गोल अन्तरले पराजित गर्दै सिरिजंगा लिगको उच्च अंक बनाएको हो ।
पहिलो हापमा गोल रहित बराबरी भएको थियो । दोस्रो हाप सुरु भएको ९ मिनेटमा सिरिजंगा एफसीका खेलाडी मन्जिल खड्काले गोल गर्दै आफ्नो टिमलाई अग्रता दिलाएका थिए ।
पहिलो गोल भएको २ मिनेटमै जहरमान चेम्जोङ लिम्बू अर्को गोल थपेका थिए ।
शिखर एफसीको तर्फबाट २९ औ मिनेटमा सौरेज राउतले गोल गरेका थिए । खेलको म्यान अफ द म्याच सिरिजंगा एफसीका खेलाडी जहरमान चेम्जोङ लिम्बू घोषित भए ।
भोली(बुधबार) टेन नबोदय र वाईजीएफटी एफसीबीच प्रतिस्पर्धा हुने आयोजक समितिका सहसंयोजक बिक्की राईले बताए ।
लिग चरणमा सिरिजंगा एफसी ६ अंक सहित आफूलाई शीर्ष स्थानमा पुर्याएको हो । ए पोलमै रहेको हिमाअस हाइवेको २, शिखर हेरिका न्युस्टार एफसीको १-१ अंक रहेको छ ।
बी पोलमा टेन नबोदय ३, बाईजीएफटी र द रिअल ब्रदर्स एफसीको १-१ अंक रहेको छ भने
देबिजन्ज हालसम्म ० अंक रहेको छ ।
दुबै पोलबाट लिग चरणमा बढी अंक प्राप्त गर्ने २-२ वटा टिम उपाधिको लागि नकआउट खेल्ने छ ।
