अर्जुन जम्नेली राई
मोरङ । मोरङको पथरीशनिश्चरेमा जारी टेन्सबर्ग पथरी शनिश्चरे फुटबल प्रिमियर लिग प्रतियोगिताको आज भएको खेलमा शिखर फुटबल क्लबलाई स्तब्द बनाउदै हेरिका न्युस्टार बिजयी भएको छ ।
सुक्रबार भएको तेस्रो चरणको पहिलो खेलमा शिखर एफसीलाई १-० गोल अन्तरले पराजित गर्दै हेरिका न्युस्टार एफसी बिजयी भएको हो ।
खेल सुरु भएको ६ मिनेटमा हेरिका न्युस्टारको खेलाडी बिबेक लिम्बूले निर्णायक गोल गरेका थिए ।
नकाआउट चरण प्रबेश गर्न दुबै टिमलाईi प्रेसर भएको कारण मध्यन्तरपछिको खेल निक्कै रोमान्चित भएको थियो । यद्यपि हापटाइम पछि दुबै टिमले गोल गर्न सकेन ।
खेलको म्यान अफ द म्याच हेरिका न्युस्टार कै खेलाडी महेन्द्र मगर घोषित भए ।
।
खेल जितेसँगै हेरिका न्युस्टारले लिगमा ४ अंक बनाएको छ । शिखर भने अंक १ अंकमै सिमित भएको छ ।
भोली(शनिबार) तेस्रो चरणको दोस्रो खेल हिमाअस हाइवे र सिरिजंङ्गा एफसीबीच प्रतिस्पर्धा हुने आयोजक समितिका संयोजक संजिप गिरीले बताए ।
दोस्रो चरणको खेल सकिदा समूह "ए"
मा रहेको सिरिजंगा एफसी ६, हेरिका न्युस्टार ४, हिमाअस हाइवेको २ अंक र शिखर एफसीको १ अंक रहेको छ । आजको पराजयसँगै शिखर एफसी लिगबाट बाहिरिएको छ । हेरिका न्युस्टारले भने नकआउट चरणमा जान हिमाअस हाइवेको नतिजा कुर्नु पर्ने भएको छ ।
त्यस्तै समूह "बी"मा रहेको टेन नबोदय ६, द रियल ब्रदर्स ४, बाईजीएफटी १ अंक रहेको छ । यो समुहका देविगन्ज एफसीले लिगको एउटा खेल खेल्न बाँकी भएपनी नकआउटमा जाने संभावना सकिएलो छ ।
