अर्जुन जम्नेली राई
मोरङ । देविगन्ज फुटबल क्लवले ३—२ गोल अन्तरमा वाइजीएफटीलाई पराजित गरेसँगै मोरङको पथरीशनिश्चरेमा जारी टेन्सवर्ग पथरी शनिश्चरे प्रिमियर लिग फुटबल प्रतियोगितामा द रियल ब्रोदर्श एफसीलाई सहज भएको छ ।
आज(आइतबार)को खेलमा मध्यन्तर अघि वाइजीएफटीका खेलाडिहरु अबय लिम्बू र रोशन न्यौपानेले गोल गरेका थिए । देविगञ्जको तर्फबाट मध्यन्तर अघि गोबिन गुरुङले १ र मध्यन्तरपछि शन्तोष न्यौपानेले २ गोल गरेका थिए । खेलको म्यान आफ द म्याच देविगञ्ज एफसीका खेलाडी शन्तोष न्यौपाने घोषित भए ।
भोल (सोमबार) लिगको अन्तिम खेल टेन नवोदय र द रियल ब्रदर्श एफसीबीच हुने आयोजक समितिको सहसंयोजक बिक्की राईले बताए ।
समूह ‘बी’बाट एक खेल खेल्न बाँकी छदै टेन नवोदयको ६ र द रियल ब्रदर्सको ४ अंक रहेकोले दुबै टिम नकआउट चरणमा प्रवेश गरिसकेको हो ।
देविगञ्जको जितसँगै वाइजीएफटी र देविगञ्ज दुबै टिम समूह चरणबाट बाहिरिएका छन । एक खेल खेल्न बाँकी द रियल ब्रदर्श एफसी अंकको आधारमा समूह चरण पार गर्दै नकआउट खेल्ने निश्चित भएको हो ।
समूह ‘ए’बाट सरिजंगा र हेरिका न्युस्टार फुटबल क्लव नकआउट चरणमा प्रवेश गरिसकेको छ ।
मोरङको पथरी शनिश्चरेमा भएको पहिलो लिग कम नकआउट फुटबल खेलमा
सरिजंगा, हेरिका न्युस्टार, टेन नवोदयको र द रियल ब्रदर्श एफसी सेमी फाइन खेल्ने पक्का भएको छ भने वाइजीएफटी, शिखर, हिमाअस र देविगञ्ज बाहिरिएका छन् ।
