अर्जुन जम्नेली राई
मोरङ । मोरङको पथरीशनिश्चरेमा जारी टेन्सवर्ग पथरी शनिश्चरे फुटबल प्रिमियर लिग—२०७७ को उपाधिको लागि शिरिजंगा, द रियल ब्रदर्स, टेन नवोदय र हेरिका न्युस्टार फुटबल क्लवबीच प्रतिस्पर्धा गर्ने भएको छ ।
आज(सोमबार) भएको लिग चरणको अन्तिम खेलमा टेन नवोदायलाई १—० गोल अन्तरले पराजित गर्दै द रियल ब्रदर्श एफसी समूह बिजेता बनेको छ ।
लिग चरणको अन्तिम खेलमा द रियल ब्रदर्शका लागि १५ औं मिनेटमा डम्बर मगरले हानेको गोल नै निर्णायक बन्यो । अगाडिको दुबै खेल जितेको टेन नवोदयको अपराजित यात्रा रोक्दै द रियल ब्रदर्श समूह बिजेता भएको हो । खेलको म्यान अफ द म्याच विजेता द रियल ब्रदर्शका खेलाडि दिपेन माझी घोषित भए ।
समूह चरण पार गर्दै ‘ए’बाट शिरिजंगा ९, हेरिका न्युस्टार ५, समूह ‘बी’बाट द रियल ब्रदर्श ७ र टेन नवोदय ६ अंकसहित उपाधि जित्ने होडमा सेमी फाइनल प्रबेश गरेको हो ।
सेमी फाइनल खेल पर्सि (पुस ८) ‘बी’बाट समूह विजेता द रियल ब्रदश भर्सेज हेरिका न्युस्टार र ९ गते समूह ‘ए’ बिजेता शिरिजंगा भर्सेज टेन नवोदय एफसीवीच प्रतिष्पर्धा हुनेछ । हेरिका न्युस्टार ‘ए’ र टेन नवोदय ‘बी’को उपबिजेता हो । खेलको फाइनल पुस ११ गते हुने आयोजक समितिको संयोजक संजिप गिरीले बताए ।
