• असार २२ ,गौशाला ममता शर्मा महोत्तरीको गौशालामा नगरपालिकामा अपाङ्गता भएका व्यक्तिहरुलाइ सहायक सामग्री वितरण गरिएको छ । महोत्तरी नेत्रहीन संघको सहयोगमा र गौशाला नगरपालिका आयोजना तथा आर्थिक सहयोगमा नगरका १२ वटै वडाका अपाङ्गता भएका व्यक्तिहरुलाइ समेटेर उक्त सहायक सामग्री वितरण गरिएको छ ।

    गौशाला नगरपालिकाका उपमेयर आशा लामाको अध्यक्षतामा सम्पन्न भएको उक्त कार्यक्रममा टायर साइकल ७ थान ,ह्विल चेयर ८ थान ,सेतो छडी १८ थान, वैशाखी १२ थान ,ट्वाइलेट चेयर १५ थान, एएल स्टिक २ थान, एअर मसिन २ थान वितरण गरिएको हो । जसमा महोत्तरी नेत्रहीन संघका सल्लाहकार तथा जिल्ला अध्यक्ष बिरेन्द्र महतो ,संघका अध्यक्ष सर्वजित झा ,नगरपालिकाको अपाङ्ग तथा बालबालिका शाखा प्रमुख अस्मिता शर्मा लगायत अपाङ्गता भएका व्यक्तिहरु र स्थानीयहरुको सहभागिता रहेको थियो ।

    नगरका अपाङ्गता भएका व्यक्तिहरुको माग अनुसार सो सहायक समाग्री वितरण गरिएको महोत्तरी नेत्रहीन संघका जिल्ला अध्यक्ष बिरेन्द्र महतोले बताउनुभएको छ । त्यस्तै नगरपालिकाले बर्षेनी अपाङ्गता भएका व्यक्तिहरुको लागि बजेट छुट्याई सहयोग प्रदान गर्ने गरिएको नगर उपप्रमुख आशा लामाले बताउनु भएको छ ।

    उहाले भन्नुभएको छ , "अपाङ्गता भएका व्यक्तिहरुको कठिन जीवनलाइ केहि सहज तरिकाले हिड्डुल गर्न ,व्यक्तिगत कार्यगर्न सहजता प्रदान गर्ने उद्देश्यले यो सामग्री वितरण गरिएको छ । अपाङ्गता भएका व्यक्तिहरुलाई यस्ता सामग्री अपरिहार्य हुने भएकोले नगरपालिकाले सो सामग्री वितरण गरिएको बताउनु भएको छ ।

    सहायक सामग्री वितरण गरिएको प्रति अपाङ्गता भएका व्यक्तिहरुले खुसि व्यक गर्दै नगरपालिका तथा महोत्तरी नेत्रहिन संघलाइ धन्यवाद ज्ञापन गरेका छन् ।

सम्वन्धित समाचार

मोरङ । पथरी उद्योग वाणिज्य संघको नव निर्वाचित पदाधिकारी÷सदस्यहरुलाई नेकपा (माओवादी केन्द्र) पथरी श…

मोरङ । मोरङको पथरीशनिश्चरे—४ मा आधारभूत स्वास्थ्य केन्द्र स्थापना भएको छ ।  संघीय सरकारको योजन…

मोरङ । आर्थिक हिनामिन र पार्टीको आन्तरिक गोपनियता भंग गरेको भन्दै मोरङ जिल्ला सदस्य लक्ष्मण न्यौपानलाई साधार…

मोरङ । मोरङको पथरीशनिश्चरे स्थित पथरी उद्योग वाणिज्य संघको निर्वाचनको कार्यक्रम मंगलबार सार्वजनिक भएको छ ।&…