मोरङको उर्लाबारीमा छोराले दाउराको चिर्पट प्रहार गरेर आफ्नै आमाको हत्या गरेका छ ।
उर्लाबारी नगरपालिका – ४ आईतबारे स्थित घरमै हिजो बेलुका ४ : ३५ बजेतिर घरायसी विवादका क्रममा ३५ वर्षिय गंगाप्रसाद भण्डारीले आमा ७० वर्षिया चन्द्रमाया भण्डारीलाई दाउराको चिर्पटले प्रहार गरेकाे स्थानीयले बताए ।
गम्भिर घाईते आमा भण्डारीको मदन भण्डारी अस्पताल तथा ट्रमा सेन्टर मंगलबारेमा उपचारका क्रममा राती १० : २५ बजेतिर अामाकाे मृत्यु भएको इलाका प्रहरी कार्यालय उर्लाबारीका प्रहरी निरीक्षक राजाराम खड्काले जानकारी दिनुभयो । हत्या गर्ने गंगाप्रसाद अत्याधिक मादक पदार्थ सेवन गर्ने गरेको प्रहरीले जनाएको छ ।
