झापा १४ चैत
झापाको हल्दिबारी गाउँपालिका १ गोलधापस्थित चिल्ड्रेन्स गार्डेन एकेडेमीमा अध्ययनरत १३ वर्षीया छात्रालाई आफ्नै शिक्षकले यौन दुर्व्यवहार गरेकाे छ ।
शिक्षक श्रीप्रसाद सिवाकोटी (सन्दिप)ले शुक्रबार दिउँसो परीक्षा सकेपछि विद्यालयकाे दाेस्राे तल्लामा बाेलाई यौनजन्य दुर्व्यवहार गरेको हाे । यौन दुर्व्यवहारमा परेको भन्दै पीडित छात्रा चिच्याई प्रतिकारगरि भागी विद्यालयका अन्य शिक्षक र अभिभावकलाई तत्काल जानकारी गराएकी प्रधानध्यापक पुष्पलाल खरेलले जानकारी दिए ।
केहीबेरमै आक्रोशित बनेका अभिभावक र छिमेकीहरूले यौनजन्य दुर्व्यवहार गर्ने शिक्षकलाई तत्काल कानुनी कारबाहीको माग गर्दै विद्यालय समेत घेराउ गरि आक्रोश भिडले विद्यालयको मे १ क ७८७ नम्बरको स्कुल बस तोडफोड गरेको फाउन्डर धनन्जय सिटौलाले जानकारी दिए । शिक्षक बिर्तामोड नगरपालिका–१० निवासी अन्दाजी ४० वर्षीय हुन ।
लगत्तै प्रहरी चौकी गोलधाप र प्रहरी कार्यालय झापा जिल्लाका प्रहरी टोलीले शिक्षकलाई शुक्रबार बेलुका घरबाटै पक्राउ गरेकाे प्रहरीले जानकारी गराएका छन् ।
