देबु बानियाँ
झापा । काठमाडौँको साँखु क्षेत्र यतिबेला अन्माउन लागेकी बुहेली झैँ सिँगारिएको छ । नेपाल जेसीजको आतिथ्यतामा हुन गइरहेको क्षेत्र ‘ग’ को क्षेत्रीय सम्मेलनको पूर्व सन्ध्यामा आइपुग्दा साँखुको रौनकतानै बदलिएको छ । शुक्रवार उद्घाटन हुने सम्मेलनको तयारीका लागि आतिथ्यता शाखा साँखु जेसीजले यस क्षेत्रलाई भरपुर सझाउने जमर्काे गरेको छ । विभिन्न क्षेत्रमा स्वागत गेट निर्माणसँगै कार्यक्रम स्थलको हललाई बेलुनको सभजावटसँगै झकिझकाउ पारिएको छ । सम्मेलनको शुक्रवार भव्य रुपमा उद्घाटन हुँदैछ ।
साँखु जेसीज काठमाडौँको भक्ति जम्बो कटेजमा हुने सम्मेलनको सम्पूर्ण तयारी पुरा भएको आतिथ्यता शाखा साँखु जेसीजका अध्यक्ष सविन श्रेष्ठले बताए । सम्मेलनमा यस क्षेत्रमा रहेका ३२ वटा शाखाका ३ सय ५० भन्दा बढी जेसीजकर्मीहरुको सहभागिता रहने सम्मेलनका लागि सभाहल, खाना बस्न तथा अतिथि सत्कारका सम्पूर्ण काम पुरा भइसकेको र शुक्रवार भव्य उद्घाटन गरिने अध्यक्ष श्रेष्ठले बताए । सम्मेलनमा सहभागि हुनका लागि जेसीजकर्मीहरु आउने क्रम समेत सुरु भएको आयोजकले जनाएको छ ।
