काठमाडौँ, १२ चैत
उपराष्ट्रपति नन्दबहादुर पुन बङ्गलादेशको ४८औँ राष्ट्रिय एवं स्वतन्त्रता दिवसका अवसरमा आज साँझ राजधानीमा आयोजित विशेष समारोहमा सहभागी हुनुभयो ।
नेपालका लागि बङ्गलादेशका राजदूत माश्फी बिन्ते शाम्सले आयोजना गर्नुभएको उक्त समारोहमा मन्त्रिपरिषद्का सदस्य, सांसद, संवैधानिक अङ्गका प्रमुख, कूटनीतिक नियोगका प्रमुख, पूर्वमन्त्री, नेपाल सरकारका वरिष्ठ अधिकारी, कामको सिलसिलामा राजधानीमा रहेका बङ्गलादेशी नागरिक, वरिष्ठ सञ्चारकर्मी तथा समाजका प्रतिष्ठित व्यक्तिहरूको उपस्थिति थियो ।
त्यसअवसरमा सङ्क्षिप्त मन्तव्य व्यक्त गर्दै राजदूत शाम्सले बङ्गलादेश र नेपालबीचको सम्बन्ध सुमधुर रहेको बताउँदै पारस्परिक सम्बन्ध भावी दिनमा अझ घनीभूत हुने विश्वास व्यक्त गर्नुभयो ।
