बाहुनडाँगी । स्टाइकर रोमन मेचेको दुई गोलको मद्धतले आयोजक नव ज्योति युवा क्लब मेचीनगर ३ मेचीनगर वडा स्तरीय फुटबल प्रतियोगिताको सेमीफाइनलमा प्रवेश गरेको छ ।
बुधवार नव ज्योति निमाविको खेल मैदानमा भएको पहिलो क्वाटर पाइनल खेलमा वडा नम्बर ५ लाई २–१ को गोल अन्तरले पराजित गर्दै सेमीफाइनलको यात्रालाई कायम गरेको हो । खेलको पहिलो हाफको २० मिनेट र दोस्रो हाफको १० औँ मिनेटमा स्टाकाइकर रोमन मेचेले गोल गरेका थिए । वडा नम्बर ५ का तर्फबाट विशाल लिम्बूले १ गोल गरेका थिए ।
बिहिवारको दोस्रो क्वाटर फाइनल खेल वडा नम्बर १२ र वडा नम्बर ६ बीच हुने आयोजक समितिका सदस्य राजकुमार रायाले बताउनु भयो ।
स्थानीय खेलाडीहरुको उत्पादन गर्ने लक्ष्यका साथ प्रतियोगिता आयोजना गरिएको आयोजक समितिका अध्यक्ष भवानी गिरीले बताए । प्रतियोगिताको फाइनल खेल चैत २० गते हुनेछ ।
प्रतियोगितामा विजेता टिमले नगद २० हजार उप विजेता टिमले नगद १० हजार पाउने आयोजक समितिका अध्यक्ष गिरीले बताउनु भयो ।
