विराटनगर । नेपाली कांग्रेसका प्रदेश १ का सचेतक सांसद सूयर्माराज राई चढेको स्कुटरमा ठक्कर दिई कार ब्याक गराएर किच्न खोज्ने चालकलाई प्रहरीले निगरानीमा राखेको छ । विराटनगरको नोबेल अस्पताल नजिकै राई चढेको स्कुटरलाई बुधबार ठक्कर दिई गाडी 'ब्याक' गरेर किच्न खोज्ने चालक विजय शर्मालाई मोरङ प्रहरीले बिहीबार निगरानीमा राखेको जनाएको हो । सांसद राईले स्कुटर छोडेर भागी ज्यान बचाएको बताएका छन् ।
रंगेली नगरपालिकाका मेयर दिलिप बगडीयाको बा१५च २४३३ नम्बरको निजी गाडी चालक शर्मालाई निगरानीमा राखेको मोरङ प्रहरीका प्रवक्ता डीएसपी घनश्याम श्रेष्ठले जानकारी दिए । उनले भने,‘‘यस विषयमा थप अनुन्धान भईरहेको छ ।’’ दोषीउपर कारबाही गर्न सांसद राईले प्रशासनको ध्यानाकर्षण गराएका छन् ।
