इटहरी । असाहाय तथा मानसिक सन्तुलन गुमाएका, सडकमा बेवारिसे अवस्थाामा रहेकाहरुलाई साहारा प्रदान गर्ने उद्धेश्य सहित सञ्चालनमा रहेको मायाघर नेपालमा आश्रितहरु लाई तरुण दल सुनसरीले एक दिनको खाना खुवाएर सहयोग गरेको छ ।
असाहाय तथा मानसिक अवस्था गुमाएका करिब ३५ 
जनालाइृ आश्रय प्रदान गर्दै आएको माया घरमा पछिल्लो समय बिभिन्न सामाजिक संघ सस्थाहरुले सहयोग गर्ने क्रम बढेको अवस्था रहेको छ भने आफ्नो जन्मोत्सवको अवसरमा मायाघरमा आश्रय लिईरहेकाहरुलाई खाना खुवाउनेको संख्यामा पनि बृद्धि हुदै गएको मायाघर नेपालकी सचिव सुभद्रा प्याकुरेलले जानकारी दिईन ।
यसै क्रममा तरुण दल सुनसरीका अध्यक्ष सिजन गुरुंगको जन्मोत्सवको अवसर पारेर मायाघर नेपाललमा सहयोग स्वरुप खाना खुवाएको र आफ्नो जन्मोत्सव भन्दा पनि यस माया घरमा रहेका असाहयहरुलाई एक दिन मिठो खाना खुवाउन सकेको खण्डमा मानवियताको बिकास हुने सोचका साथ उक्त कार्यक्रमको आयोजना गरेको सिजन गुरुंगले बताए । कार्यक्रम सौमाया गुरुंगको अध्यक्षतामा भएको थियो भने , जुनियर मायाघरका अध्यक्ष सजन भण्डारी, निश्चल पलीखे लगायतको सहभागीता रहेको थियो ।
