उर्लाबारी । मोरङको उर्लाबारी वडा नं. ४ नगरपालिका लाइनबाट एक बालक हराएका छन् । चैत्र २९ गते घरबाट साइकल चढी पसल निस्केका १३ बर्षीय उस्मन न्यौपाने हालसम्म सम्पर्कमा नआएको उनका बुबा भीमबहादुर न्यौपानेले बताउनुभयो ।
छोराको खोजीका लागि स्थानीय प्रहरी प्रशासन सबैमा निवेदन दिए पनि हालसम्म कुनै खबर प्राप्त नभएको र छोराको बेखबरपछि आफूहरू निराश भएको उहाँको भनाई छ ।
गहुँगोरो वर्णका जर्मनीको जर्सी भेष्ट, नीलो पाइन्ट, चस्मा लगाएका न्यौपानेको खोजी गर्न परिवारजनले स्थानीय प्रहरी प्रशासन, मानवअधिकारी, पत्रकार सबैलाई अपिल गरेका छन् । पशुपति आमाबिमा कक्षा ८ मा अध्ययरत रहेका न्यौपानेको खोजी कार्य भइरहेको प्रहरीले जनाएको छ ।
नोट : तस्बीरमा देखिएका यी भाईलाई कतै देख्नु भए सञ्चार क्लब नेपाल उर्लाबारी ९८०४३३३३८८ मा खबर गरिदिनुहोला । साथै परिवारका सदस्य ९८२८९७३१८१ व ९८११३३६६६५ मा खबर गरी सहयोग गर्दिनु होला । खबर गर्नेलाई उचित पुरस्कारको समेत ब्यवस्था गरिएको छ ।
