माघ १४,पथरी
मोरङको पथरीशनिश्चरे नगरपालिका वडा नम्वर ६ मा रहेको दुर्गा आधारभूत विद्यालयका १६० विध्यार्थीहरुलाई शैक्षिक सामाग्री वितरण गरिएको छ ।
दोहलुमा रहेको सो विद्यालयमा अध्ययन गर्ने विध्यार्थीहरुलाई ३५ हजार मुल्य वरावरको शैक्षिक सामग्री वितरण गरिएको हो । आइतबार पहिलो पाइला नेपाल विराटनगरको सहयोगमा तथा आयोजनामा सो कार्यक्रम सम्पन्न भएको हो ।
विद्यालयका ३० जना आर्थिक अवस्था कम्जोर भएका, जेहेन्दार विद्यार्थीलाई झोला सहित कापी, कलम लगाएतका शैक्षिक सामग्री वितरण गरिएको हो । अन्य १३० जनालाई शैक्षिक सामग्री मात्रै वितरण गरिएको छ ।
जन्मदिनको अवसर पारेर हाल जर्मनीमा बसिरहेका अर्चना देवान, रविन राई र छोरी आसिगा राईको ३५ हजार मूल्य बराबरको सहयोगमा सो छात्रवृति प्रदान गरिएको पहिलो पाइला विराटनगर शाखाका अध्यक्ष सुवास गौतमले बताए ।
कार्यक्रमका प्रमुख अतिथि समेत रहेका वडा अध्यक्ष जय बहादुर राईले आफ्नो वडामा आएर शैक्षिक उननयनका लागि काम गरेको सहयोगी सवैलाई धन्यवाद ज्ञापन गरेका थिए ।
