काठमाडौँ- क्यानडाको अल्बर्टामा चर्चित बन्न सफल कलाकार तथा गायक निश्चल नेपाल अमेरिकाको क्यालिफोर्निया आउने भएका छन् ।
क्यालिफोर्नियको राजधानी साक्रामान्टोमा रहेका नेपाली सदस्यहरु र फलसममा रहेका नेपालीहरुसँगको सांगितिक भेटघाटको लागि गायक नेपाल यही आउँदो जुन १८ तारिखमा एक हप्ते कलात्मक र संगितिक भ्रमणका लागि क्यालिफोर्निया आउन लागेका हुन् ।
क्यानडामा नेपाली कला संगित फैलाउने उद्देश्य राखेका नेपालले अमेरिकामा पनि आफ्नो कला संगित फैलाउने योजना राखेका छन् । यही योजनालाई मध्यनजर गर्दै उनी अमेरिकाको क्यालिफोर्निया आउने भएका हुन् ।
क्यालिफोर्नियामा रहेका नेपाली समुदायका विशिष्ट व्यक्ति सँग भेटघाट तथा अन्तरक्रिया कार्यक्रम पनि रहेको उनी बताउछन् । क्यालिफोर्नियाको फलसममा आयोजना हुने संगितिक भेटघाट कार्यक्रममा उनी सहभागी हुनेछन् ।
नेपाली कला संगितको माध्यमबाट अमेरिका र क्यानडामा रहेका नेपाली मनहरुलाई जोड्न सकिने कुरामा उनी विश्वस्त छन् ।अल्वर्टा हेल्थ सर्भिसेजमा कार्यरत कलाकार तथा गायक नेपाल विगत सात वर्ष देखि क्यानडामा स्थायी रुपमा बसोबास गर्दै आएका छन् ।
