उर्लाबारी । मोरङको उर्लाबारी ९ आम्बारीमा चासोक तङ्नामको अवसर पारेर आयोजित भेट्रान फुटवल प्रतियोगिताको आज भएको सेमिफाईनल खेलमा धरमपुर भेट्रान फुटवल क्लव बिजयी भएको छ । दमक भेट्रान लखनपुरलाई १—२ गोल अन्तरले पछि पार्दै धरमपुर बिजयी भएको हो ।
जितसँगै धरमपुर फाईनलमा पुगेको छ । धरमपुरको जितको लागि मनकुमार तामाङ र रमेश लिम्बूले १÷१ गोल गरे । दमकका हस्तबहादुर पिठकोटीले सान्तवना १ गोल फर्काए ।
खेलको म्यान अफ द म्याच धरमपुरका लिलाबहादुर जोशी घोषित भए । उनलाई खेलका अध्यक्ष मानबहादर थापा र राजघाट भेट्रानका अध्यक्ष अर्जुन नाल्बोले पुरस्कार हस्तान्तरण गरे ।
भोलिको फाईनल खेल आयोजक धरमपुर भेट्रान क्लव र आयोजक राजघाट भेट्रान क्लव बिच हुनेछ ।
सहिद प्रेम बहादुर पोमो तथा स्वर्गीय भागीरथा पोमो स्मृति फाउण्डेसनद्धारा उहाँहरुकै स्मृति फुटवल प्रतियोगिताको आयोजना गरिएको हो ।
खेलको बिजेताले नगद प्रमाणपत्र प्राप्त गर्ने संस्थाका संयोजक विश्वास पोमोले जानकारी दिनुभयो । खेल सन्चालन गर्नका लागि मानबहादुर थापाको अध्यक्षमा खेलकुद समिति गठन गरिएको छ । समितिको उपाध्यक्षमा आईतहाङ तुम्बाहाम्फे,सचिवमा दीपक पोमु र कोषाध्यक्षमा कैलाश थापा मगर रहनुभएको छ ।
