अमेरिकाका डाक्टरहरुले कोरोना भाइरसका कारण ३० देखि ४९ वर्ष उमेर समूहका व्यक्तिहरुको अचानक मृत्यु भइरहेको चेतावनी दिएका छन् ।
यीमध्ये कैयौं व्यक्तिहरु यस्ता हुन्छन् जो पहिलेदेखि कुनै पनि बिरामीजस्ता देखिँदैनन् र उनहिरुमा कुनै किसिमको लक्षण पनि हुँदैन । तर, अचानक आएको स्ट्रोकका कारण उनहिरुको मृत्यु भइरहेको छ । न्यूयोर्कमा कैयौं मानिसहरुको मृत्यु यस्तै गरी उनीहरुको घरमै भयो ।
म्यानहटनको एमएसबीआइ अस्पतालका डाक्टर थोमन अक्सलीले बताएअनुसार उनका एक बिरामीले कुनै औषधी लिएका थिएनन् र पहिलेदेखि कुनै समस्या पनि थिएन । उनी अन्य सामान्य मानिसहरुजस्तै लकडाउनमा घरमा थिए ।
अचानक उनलाई बोल्न समस्या भयो । जाँचमा उनी ट्रोकको शिकार भएको र उनको टाउकोमा ठूलो ब्लकेज भएको पाइयो । जाँचमा उनी कोरोनाबाट समेत संक्रमित पाइए । बिरामीको उमेर ४४ वर्ष थियो ।सामान्यतया यस किसिमका गम्भीर स्ट्रोकको शिकार हुने औसत उमेर ७४ वर्ष हो । तर, कोरोनाभाइरसका कारण कम उमेरका व्यक्तिहरुको पनि स्ट्रोकका कारण ज्यान गइरहेको छ । न्यूरोलोजिस्ट थोमस अक्सलीका अनुसार उनले बिरामीको टाउकोबाट क्लट हटाउने प्रक्रिया सुरु गरे तर उनले मनिटरमा देखे कि बिरामीको टाउकोमा तत्कालै नयाँ क्लट बनिरहेका थिए ।
अमेरिकामा स्ट्रोकको शिकार बिरामीको संख्या अस्पतालमा लगातार बढिरहेको छ । जाँचमा स्ट्रोकको शिकार भएका व्यक्तिहरु कोरोना पोजेटिभ पाइएका छन् । कैयौं बिरामीमा संक्रमणको कुनै लक्षण देखिएको छैन । पहिले कोरोनाको कारण आम रुपमा फोक्सो प्रभावित हुने मानिन्थ्यो । तर, बिरामीको संख्या बढ्दै जाँदा र थप अनुसन्धान हुँदै जाँदा यो भाइरसले शरीरको लगभग हरेक अंग प्रभावित पार्ने रहस्य खुल्दै गयो ।एजेन्सी
